ශ්‍රී ලංකාවේ පහතරට තොවිල්වල භාවිතා වන බෙර වදන ශිල්ප ක්‍රම පිලිබඳ සමාජ සංස්කෘතික අධ්‍යනයක්

dc.contributor.author	Banda, G.M.K.
dc.date.accessioned	2016-10-10T02:55:25Z
dc.date.available	2016-10-10T02:55:25Z
dc.date.issued	2016-10-10T02:55:25Z
dc.identifier.uri	http://dr.lib.sjp.ac.lk/handle/123456789/3175
dc.description.abstract	Attached	en_US
dc.description.abstract	ශ්‍රී ලංකාවේ පහතරට තොවිල්වල භාවිත බෙර වාදන ශිල්පක්‍රම පිළිබඳ අධ්‍යයනයක් කිරීම මෙම නිබන්ධනයේ අරමුණ විය. මෙය පරිච්ඡේද හයකට සීමා කර කරුණු සාකච්ඡා කිරීමට අපි උත්සාහ කළෙමු. පළමුවැනි පරිච්ඡේදය බෙරයේ උපත ගෙනහැර දැක්වීම සඳහා වෙන් කෙරේ. එහිදී ආදි මානවයා ධ්වනි පිළිබඳ අවබෝධ කරගත් මූලික අවධියේ සිට බෙරය වර්තමානයේ පවතින තත්ත්වය දක්වා සිදු වූ විකාශන ක්‍රියාවලිය අවධි සතරක් යටතේ විග්‍රහයට ලක් කෙරේ. දෙවැනි පරිච්ඡේදය වෙන් වන්නේ සිංහල සංස්කෘතිය තුල බෙරය භාවිත වූ ආකාරය පිළිබඳ තොරතුරු ගෙනහැර දැක්වීමටය.ඒ සඳහා සාහිත්‍ය මූලාශ්‍රයන් හා චිත්‍ර, මූර්ති, කැටයම් පාදක කොට ගෙන ඇත.මෙහි දී අපගේ අධ්‍යයනයට ප්‍රස්තූත වන්නා වූ පහත රට බෙරය ශ්‍රී ලාංකික සංස්කෘතිය තුල ස්ථාපිත වූ ආකාරය පිළිබඳව ද විග්‍රහ කෙළෙමු. තෙවැනි පරිච්ඡේදය තුළින් පහතරට බෙරයක් නිර්මාණය කර ගන්නා ආකාරය පිළිබඳ පුළුල් විග්‍රහයක් කෙළෙමු.එහිදී බෙර නිර්මාණ ක්‍රියාවළියට අයත් ගසක් තෝරා ගැනීමේ සිට බෙරය වාදනයට ගන්නා අවස්ථාව දක්වා පියවරෙන් පියවර චිත්‍ර සටහන් උපයෝගී කොට ගෙන විග්‍රහ කෙරේ. සිව්වන පරිච්ඡේදය වෙන් කළේ පහතරට බෙරයේ ධ්වනි පිළිබඳ විග්‍රහයක් කිරීමටය.එහි ශ්‍රී ලංකාවේ පහතරට තොවිල්වල භාවිතා වන බෙර වදන ශිල්ප ක්‍රම පිලිබඳ සමාජ සංස්කෘතික අධ්‍යනයක්මූලික ධ්වනි ලෙස සැලකෙන තත්, දිත්, තොං ,නං යන බීජාක්ෂර සතර හා සම්බන්ධ ජනාශ්‍රැතිය ගෙන හැර දක්වා ඇත.ඒවා බෙරයෙන් උපදවා ගන්නා ආකාරය සහ නර්ථනය අතර සම්බන්ධය විග්‍රහයට ලක් කර ඇත.අනතුරුව පහතරට බෙර පද නිර්මාණය සහ එහි භාෂාත්මක ලක්ෂණ සලකා බැලෙන අතර පරිගණක යන්ත්‍ර මගින් මූලික ධ්වනි හා සම්බන්ධ භෞතික විද්‍යාත්මක ලක්ෂණ පිළිබඳ ව අධ්‍යනයක් ද ඊට අන්තර්ගතය. පස්වැනි පරිච්ඡේදයෙන් පහතරට තොවිල් හි බෙර වාදනය පවතින ආකාරය පිළිබඳ විග්‍රහයක් කෙරේ. ඒ තුළින් පහතරට බෙරය ශාන්තිකර්මයන් හි පුද පූජා රටාවන් හා ‍අත්‍යන්තයෙන් බැඳී පවතින අයුරුත් ඒ හා බැඳි ශිල්ප ක්‍රම ආශ්‍රිත බෙර වාදන ඉරියව් පිළිබඳවත් සාකච්ඡා වේ. හයවැනි පරිච්ඡේදයෙන් පහතරට බෙර වාදනය සහ සිංහල ගැමි සමාජය අතර සම්බන්ධය සාකච්ඡා කෙරේ. එහි දී පහතරට බෙර වාදන වර්තමානය දක්වා පවත්වාගෙන ඒමට මූලික වූ ගුරු පරපුරවල් සහ ගුරු කුල අධ්‍යාපන රටාව විග්‍රහයට ලක්වේ. අනතුරුව සිංහල සංස්කෘතියේ බෙර වාදකයාට හිමි වන ස්ථානය පිළිබඳ කරුණු ඉදිරිපත් කෙරෙන අතර එහි වර්තමාන තත්ත්වය ද මෙම පරිච්ඡේදයේ දී සාකච්ඡාවට ලක්කොට ඇත.
dc.language.iso	si	en_US
dc.title	ශ්‍රී ලංකාවේ පහතරට තොවිල්වල භාවිතා වන බෙර වදන ශිල්ප ක්‍රම පිලිබඳ සමාජ සංස්කෘතික අධ්‍යනයක්	en_US
dc.type	Article	en_US
dc.date.published	1996