Attached
යශෝරාවය නවකතාව ම විසින් ලියා ඇත්තේ ප්‍රථම පුරුෂ අසීමිත දෘෂ්ටිකෝණයෙනි. එයම ප්‍රථම පුරුෂ සර්වවේදී පුර්ණ දෘෂ්ටිකෝණය යනුවෙන්ද හැඳින්විය හැකි ය. නව ප්‍රබන්ධ විධි පිළිබඳව විශේෂ අධ්‍යයනයන් කළ කැරොලින් ගෝර්ඩන් (Caroline Gordon), ඇලන් ටේට් (Allen Tate) ආදීන් Omniscient – Impersonal, Concealed Narrotor, Effaced Narrotor යන යෙදුම් වලින් මෙම දෘෂ්ටි කෝණය හඳුන්වා ඇත.
මෙම නවකතාවට විෂය වන්නේ නාගරික මධ්‍යම පන්තික ජීවිතයයි. පරිහරණයේ දී අතිශයින් දුෂ්කරතා ඇති වුවද එබඳු පැළන්තියක සාමාජිකයන් ගේ යථාර්ථය දැක්විය හැකි හොඳම දෘෂ්ටි කෝණය ලෙස මට හැඟුණේ මා ඉහත දැක් වූ දෘෂ්ටි කෝණයයි.
උත්ප්‍රාසයද මෙම නවකතාවේදී ම විසින් ප්‍රයෝජනයට ගන්නා ලදී. නවකතාවට පාදක කොට ගෙන ඇති පවුලට එබඳු උත්ප්‍රාසයක් යෝග්‍යය යන්න මා තුළ විශ්වාසයක් පවතී. මේ හැර පැරණි ප්‍රබන්ධ විධියක් වන කීම (Telling) මුළුමනින්ම අත හැර රූපණයට (Showing) මුල් තැන දීමටද වෑයම් කළෙමි.
